Friday, 28 July 2017

Truecaller Kaise Kaam Krta Hai - How Does It Work ?

Tags

Shayad hi koi aisa Internet user hoga jo Truecaller ke bare me na janta ho, aur current time me to ye bahut jyada famous ho chuka hai, ish liye na janne ka to swal hi nhi banta. Freinds Truecaller ek aisa app/website hai jiski madad se hum kisi bhi no. ki details pta lga skte hai.

How does Truecaller works ?

'Truecaller' Stockholm, Sweden ki ek private company 'True Software Scandinavia AB' ke dwara 2009 developed kiya gya. Jiske founder 'Alan Mamedi aur Nami Zarringhalam' hai.

Aapne bhi ishe jarur use kiya hoga jab kisi unknown no. ne aapko preshan kiya hoga ya tab jab aapko kisi number ki detail nikalni pad hogi. Aur jab Truecaller ne ush number ki detail btai hogi to sabhi ki trah aapke dimag me bhi kuch sawal jarur aaye honge. Jaise

:- Truecaller Kaam Kaise Krta hai 

:- Truecaller Kisi Bhi No. Ke Owner Ka Naam Kaise Bta Deta Hai ? etc.

To chliye ab hum aapko btate hai ki Truecaller aakhir kaam kaise krta hai ya ye kisi bhi mobile no. ke owner ka naam kaise bta deta hai.

To friends main aapko bta du ki funda bahut hi simple hai. Truecaller apne users ke data ke base par hi kisi bhi number ki detail de deta hai. Jo bhi person iske app ko apne mobile me install krta hai uske mobile me jitne bhi contacts no. add hote hai un sabhi ki list Truecaller directory me save ho jati hai. Aur phir jab koi person unme se kisi number ko search krta hai to ye uski details bta deta hai.


Abhi maan lijiye ki aap Truecaller app apne mobile me install krte ho to aapke mobile me jitne bhi contact no. add honge unke naam aur number Truecaller ki directory me save ho jayenge. Aur phir jab koi person unme se kisi number ko isme search krega to aapke mobile me add details ke hisab se hi ye ush person ko uske owner ka naam btayega.

Ab ager hum play store par iske downloads dekhe to ab tak iske 100 million downloads ho chuke hai. Ab 100 million logo ke mobile ki contact list me jitne bhi mobile no. add honge wo sabhi Truecaller ki directory me naam ke sath save hai. Aur jab koi person unme se kisi no. ko search krta hai to ye uska naam bta deta hai.


To ab aapko pta chal gya hoga ki aakhir Truecaller kaam kaise krta hai ya ye kisi bhi mobile no. ke owner ka naam kaise bta deta hai. But abhi aapke dimag kuch aur sawal honge jaise...

1. Kya Truecaller 100% Sahi Details Deta Hai ?

2. Kya Truecaller Sirf Android Users Ke Mobile No. Ki Details Deta Hai ?

1. Iska jwab hai NO. Jaisa ki mene pahle btaya ki jab koi person Truecaller app download krta hai to uske mobile me add mobile numbers aur unke naam iski directory me save ho jate hai, aur phir jab koi person unme se kisi number ko search krta hai to apni directory me save data ki madad se hi Truecaller ush number ki detail deta hai.

Ab maan lijiye aapke kuch relatives jo Truecaller use krte hai unhone aapke mobile number friend, bro, bhai, uncle ish trah alag alag naam se save kar rkhe hai, to Truecaller me aapke number ke sath aapki details bhi ish trah se save hogi. Ab ager koi person aapke number search krega to ye ush person ko kuch bhi naam bta skta hai. Jaise ( friend, bro, bhai, uncle ) joki aapka real naam nhi hai.

Ish liye hum ye bol skte hai ki Truecaller kisi bhi number ki detail 100% sahi dega iski koi grantee nhi hai.


2. Kya Truecaller Sirf Android Users Ke Mobile No. Ki Details Deta Hai ?

Iska jwab bhi hai NO. Jaisa ki me bta chuka hu ki Truecaller apne users ki contact list me se numbers ki details leta hai. Ish liye simple si baat hai ki sabhi ki contact list me kuch aise numbers bhi save hote hai jo android users nhi hote hai. To aise me ager koi unme se kisi number ko Truecaller par search krta hai to ye uski details bhi bta deta hai.


To dosto ab tak aap jan gye honge ki Truecaller kaam kaise krta hai. Ager Truecaller ko lekar aapke dimag koi aur sawal ho to aap comment karke puchh skte hai. Friends ager aapko humari ye post achhi lge to ishe apne friends ke sath bhi share kre. Taki unko bhi iske bare me pta chle.


EmoticonEmoticon