Friday, 4 August 2017

Block Sim Card Ka PUK Code/Number Kaise Pta Kre

Dosto kai baar aisa hota ki jane anjane me hum humare mobile me sim card par lock set kar dete hai. Uske baad jab hum uska PIN bhul jate hai aur galat PIN lga kar ushe unlock krne ki kosis krte hai to wo sim lock ho jati hai aur PUK code mangne lgti hai.

Iske bare me logo ko jyada pta nhi hota hai. Ish liye ya to wo baar baar galat PUK ke number lga kar apni sim ko completely block kar lete hai ya phir ushe kisi service center par lekar jate hai. Jiske unhe paise dene padte hai.

Block sim ka PUK code number kaise pta kre

But ab aapko ye sab krne ki jarurat nhi padegi. Ish post me hum aapko kuch simple se steps btayenge, jinhe follow kar ke aap apne sim card (Airtel, Vodafone, Idea, Reliance, Aircel etc.) ko sirf 5 minutes me unlock kar skte hai.

Par ush se pahle hum PUK ke bare me kuch jan lete hai.

PUK Kya Hota Hai ?

PUK ka full form 'Personal Unlocking Key' hota hai. Ish se hum apne sim card ko safe rakh skte hai. Ager hum apne sim card par ye lock set kar de to koi bhi humari sim ko use nhi kar skta, jab tak ki usme sahi PIN na dala jaye.

Lekin bahut kam log ish lock ko use krte hai, kyunki PIN bhul jane ke baad jab hum sim ko unlock krne ke liye 3 se jyada baar (kuch sim cards me 10 baar) galat PIN lgate hai. To wo sim hmesha ke liye block ho jati hai. Ish liye jyadatar log ishe use nhi krte hai. But kai baar ye lock humse ya humare gar ke kisi member se galti se bhi lag jata hai. Ish liye tab hume sim card ko unlock krne ke liye PUK code ki jarurat padti hai.

Kisi Bhi Sim Ka PUK Code Kaise Pta Kre ?

Iske bare me btane se pahle main aapko bta du ki ager aapki sim card par galti se ye lock lag jaye aur aapse PUK code mange to baar baar galat PIN dal kar ushe unlock krne ki kosis na kre. Kyunki hume apni sim ko unlock krne ke sirf 3-10 chance hi milte hai.


Ager hum ish se jyada baar galat PIN lga kar ushe unlock krne ki kosis krenge to humari sim hmesha ke liye block ho jayegi. Uske baad koi bhi ushe unlock nhi kar payega. Ish liye ish baat ka dhyan rakhe.

To ab hum baat krte hai ki PUK number kaise pta krte hai. Dosto aapki sim chahe kisi bhi company ki ho jaise Airtel, Vodafone, Idea, Aircel, Reliance etc. Sabhi ke PUK code/number pta krne ki same process hai.

1. Iske liye sabse pahle aapko apne sim provider company ke helpline number par call krna hai. Jo ki normally 121, 111, ya 198 hota hai.

2. Uske baad costumer care executive se baat kre, aur unhe iske bare me btaye.

3. Wo aap se sim card ke owner ka naam, address etc. puchhenge, aap sab sahi se bta de.

4. Uske baad wo aapko PUK code btayenge. Ushe ek paper par note kar le.

5. Ab ush sim me wo code dale, jisme PUK number manga rha hai. Code dalne ke baad aapse PIN manga jayega. Wnha par aapko 1234 dalna hai. Ye pin aapko 2 baar dalna hai.

Pin dalne ke baad aapki sim unlock ho jayegi. Ab ager aap nhi chahte ki aapki sim phir se PUK number mange to apne mobile ki Security Settings me jakar sim card lock ko OFF kar de.




To friends main ummid krta hu ki aap jan gye honge ki PUK number ya code kaise pta krte hai. Ager aapko PUK code/number pta krne me koi problem aaye to aap comment kar ke puchh skte hai. Friends ager aapko ye post helpful lge to ishe apne dosto ke sath bhi share kre.


EmoticonEmoticon